diumenge, 10 de desembre de 2017

La blazono de Barcelono


Escut de Barcelona.svgLa blazono de Barcelono estas kombino de la kruco de Sankta Georgo, patrono de la urbo (koincidanta kun la heraldika emblemo de la katedralo kaj la eklezia departemento de Barcelono) kaj la antikvaj heraldikaj reĝinsignoj de la urbo, tiuj de la grafoj de Barcelono,kiuj konsistas el kvar bastonoj (plej ofte nomataj stangoj) ruĝaj sur ora (flava) kampo, el kiuj originas la ŝildo de Katalunio kaj la Aragona Krono (ekde 1137, okaze de la geedziĝo de la grafo Ramon Berenguer la 4a kun Peronella, filino de la aragona reĝo Ramiro la 2a.

La reĝo Pere III (Petro la tria) kromnomata La Ceremonia, koncedis la reĝan ŝildfiguron al la urbo la 4an  de julio de 1345; la kruco kiel distingilo de la urbo troveblas jam en sigelo de 1288. La supra krono indikas ke Barcelono estis la restadejo de la reĝoj de la Aragona Krono.


Fonto: Viquipèdia

divendres, 8 de desembre de 2017

Prezento de la libro Tagoj kaj Ruinoj en Barcelono

Okaze de la Zamenhofa festotago, oni prezentos en Barcelono la libron verkitan de Jaume Grau Casas 
Tagoj kaj Ruinoj

Surklaku por legi

dijous, 7 de desembre de 2017

Manifestacio en Bruselo

45 000 katalunoj manifestacias en Bruselo por denonci la mankon de demokratieco en Hispanio kaj por peti esprimliberecon kaj ellason al politikaj malliberigitoj.


dimecres, 6 de desembre de 2017

Laste pri la kataluna prezidento Puigdemont

La hispana justico nuligis la internacian ordonon pri aresto kontraŭ Carles Puigdemont, sed plu validas la ordono pri aresto sur Hispania teritorio.

dimarts, 5 de desembre de 2017

Enketo pri valorigo de la diversaj politikaj gvidantoj

Alklaku por grandigo ^

Oni enketis en Katalunio kadre de la kampanjo por elekti la venontan katalunan parlamenton

Proksimuma politika orientiĝo:

ERC: Maldekstra-Sendependisma
CeC-Podem: Maldekstra-Konfederaciema
JxCat: CentroDekstra-Naciisma/Sendependisma
PSC: Maldekstra-Uniisma=> Federaciisma
CUP: Maldekstra/Liberecana- Sendependisma
Ciudadanos: Dekstra/liberala-Uniisma
PP: Dekstra/Konservativa- Uniisma


Why yellow colour is banned in Catalonia

Go to: BBC


diumenge, 3 de desembre de 2017

Pri la origino de la suverenisma procezo en Katalunio

Artikolo de David Miró. 27/11/2017


Resultado de imaxes para campanya contra l'estatut
PP kampanjis kontraŭ la kataluna statuto (2006), kio ekinstigis la suverenismon

Inter 2007 kaj 2010 Madrid ricevis avertojn pri tio, ke pritondi la katalunan statuton provokus profundan krizon

Antaŭ ok jaroj, en tago kiel hodiaŭ, la katalunaj ĵurnaloj publikigis komunan editon sub la titolo La digneco de Katalunio. En ĝi oni atentigis pri la katastrofaj efektoj por la konstitucia sistemo naskiĝinta en 1978 kiu sekvus el verdikto de la Konstitucia Tribunalo kontraŭ la kataluna statuto aprobita tri jarojn antaŭe. La edito denuncis ke "estas homoj kiuj revas pri fera kirurgio por elradike forpeli la kompleksecon de Hispanio". Oni finis avertante la publikan opinion kaj la politikistojn: "Ni ne troviĝas antaŭ malvigla socio, kuŝanta kaj preta spekti trankvile la malboniĝon de sia digneco". Inter la ĵurnaloj kiuj subskribis la tekston, kiu kaŭzis skandalegon en Madrido, estis, indas rimarki, La Vanguardia kaj El Periódico.

Du jarojn antaŭe, en novembro de 2007, la tiama prezidanto de la kataluna registaro (Generalitat), José Montilla, jam estis avertinta, dum konferenco en Madrido, ke en Katalunio kreskadis la emocian distanciĝon koncerne al Hispanio. "Mi kredas ke, la unua pruvo de institucia lojaleco estas atentigi pri la gravaj politikaj konsekvencoj je meza kaj longtempa futuro, de iu grava emocia desafektiĝo de Katalunio rilate al Hispanio kaj la komunaj institucioj", li diris en diskurso kiu postrestis en la malgranda historio de la suverenisma procezo.

La konkludo estas tiu ĉi: en la periodo 2006-2010, ĉiuj en Katalunio estis konsciaj pri tio ke, iu verdikto kiu aliigus la Statuton havus katastrofajn konsekvencojn por la rilato kun Hispanio. Oni dediĉis enorman energion averti Madridon pri la danĝero, Ekde la socialistoj ĝis la entreprenistaj organizoj, kiuj en 2007 estis reklamintaj la administradon de la barcelona flughaveno de El Prat.
Ĉiuj sciis ke, se la Statuto malsukcesus, io malbonega okazus. Tio iĝis popola konscio. La maltrankvilo estis maksimuma ĉar estis multaj manovroj por influi en la Konstitucia Tribunalo, manovroj ne kaŝitaj, krom filtrado de informoj al la komunikiloj kiuj, iom post iom mornigis la esperojn pri la nova Statuto.

Duobla pakto

Sed la hispana ŝtato ignoris ĉion, ĝi aplikis strikte la leĝajn mekanismojn kaj humiligis Katalunion manipulante teksto kiu estis frukto de duobla politika pakto (Parlamentoj kataluna kaj hispana) kaj kiu estis referendume konfirmita de la katalunaj civitanoj.

Ĉu povintus ne ekzisti, en tiaj cirkonstancoj, io kia la suverenisma procezo kiun ni fine vidis? Malfacile. La katalunia socia korpo havas karakterizojn (fortan senton pri identeco, profundan senton de memregado, ktp.), kiuj nepre puŝas al reago por rekuperi la perditan dignecon. Montilla pravis kaj pravis la komuna edito de la ĵurnaloj.

Sed post la verdikto estis eĉ pli malbone. Oni rekte ĉesigis la procezon pri transdono de administro-povoj, kaŭzante la morton  de la duflanka komisiono (antaŭ du tagoj, Mariano Rajoy fieris, en radia intervjuo, ke li transdonis neniun ajn povon al Katalunio). Oni malobservis la trian aldonan dispozicion pri investado en substrukturoj laŭ la ŝtatbuĝeto kaj, ekde 2014, la financosistemon, kiu evidentiĝis kadukinta kaj trompa. Krom ĉio ĉi, PP komencis procezon por recentraligo kiu igis la Statuton senutilaĵo...

La sendependismo kreskas sur la morto de la pristatuta pakto. Tiu estas la origino, kiel preskaŭ ĉiuj sciis kaj neniu priagis.

Nun ni imagu ke la verdikto pri la Statuto estus deklaranta la plenan konstituciecon de la teksto; ke la financo-sistemo estus respektantea  la laŭordan kriterion; ke la investo en strukturoj situus averaĝe je la proksimuma nivelo de la kataluna Malneta Enlanda Produkto (MEP); ke oni estus ekfunkciiganta la katalunan Imposto-Konsorcion; ke la kataluna estus senprobleme la "prioritata lingvo" en la administracia kampo kaj en la eduksistemo. Kaj la punkto plej grava: ŝtata registaro lojala, engaĝita en la aplikado de progresema aŭtonomismo.

La eraroj de la suverenismo

Sen ĉio ĉi, kiel oni povus esperi ke iu parto de la kataluna socio ne ribeliĝu? Oni povus akuzi la suverenisman procezon kaj ĝiajn gvidantojn pri multaj aferoj, pri manko de realismo, pri naiveco, pri kaŝo de la propraj malfortoj, pri falo en iuspecan miraĝon pro la gigantaj manifestacioj, kiuj pensigis pri subteno pli alta ol la reala, sed en nenio kazo oni povas diri ke la fenomeno estis inventita aŭ instigita de privataj interesoj.

Ĝi estis la respondo de konkreta socio, la kataluna, al konkreta ofensivo, tiu de la unuformiga hispanismo, kiu nun celas kulpigi la viktimon kaj sinprezenti kiel solvo antaŭ la samaj entreprenistoj kiuj, antaŭ 10 jaroj,  petis pri la flughaveno kaj kiuj hodiaŭ aplaŭdas al tiuj kiuj tion rifuzis.


dissabte, 2 de desembre de 2017

Katalunaj leĝoj blokitaj de la Konstitucia Tribunalo

Katalunaj leĝoj kiuj estis apelaciitaj kaj/aŭ nuligitaj de la  Hispana Konstitucia Tribunalo, periodo 2012-2016:

1- Leĝo pri aŭdvidaj aferoj (2/2012)
2- Leĝodekreto pri komercaj horaroj (4/2012, 2/2014)
3- Leĝodekreto pri impostoj al la bankoj (5/2012)
4- Leĝodekreto kontraŭ la energio-paŭpereco (6/2013)
5- Leĝo pri buĝetakompanoj (2/2014)
6- Leĝo pri popolaj konsultoj ne referendumaj (10/2014)
7- Leĝo pri popoldefendanto -ombudsmano- (2008, decido 3/2015)
8- Leĝo pri eksterlanda agado (3/2015)
9- Komisionaro por la Nacia Transiro (4/2015)
10- Imposto al Internet-peristoj (9/2015)
11- Kodo pri Konsumo de Katalunio (10/2015)
12- Reformigo de la leĝo pri komerco de Katalunio (10/2015)
13- Leĝo de Arano (10/2015)
14- Impostagentejo de Katalunio ((9/2015 - 11/2015)
15- Sendependenisma deklaro de la Parlamento (11/2015)
16- Komisio por la pristudado de konstituiga procezo (2/2016)
17- Departemento pri Eksteraj Aferoj (2/2016)
18- Leĝodekreto kontraŭ la energio-paŭpereco (4/2016)
19- Leĝo por imposto al vakaj domoj (4/2016)
20- Leĝo pri lokaj registaroj (4/2016)
21- Leĝo por la efektiva egaleco inter viroj kaj virinoj (4/2016)
22- Leĝo por malpermesi fràcking (3/2012, 4/2016)
23- Leĝo pri malpermeso de grandaj eksterurbaj superbazaroj (4/2016)
24- Imposto al nukleaj centraloj (4/2016)


dijous, 30 de novembre de 2017

Ĝendarmoj kontraŭ balotujoj

La 1an de oktobro, la hispana registaro ordonis al miloj da ĝendarmoj kaj policanoj malebligi balotadon en Katalunio. Hodiaŭ ni memorigas pri la okazaĵo per unu el la multaj bildoj de tiu tago



dimarts, 28 de novembre de 2017

Hispano-Suiza. Historio de la iama prestiĝa fabriko

Cikonio, la simbolo de la marko

Hispano-Suiza, ofte skribite Hispano Suiza, estis inĝeniera kaj  priveturila kataluna firmao kiu elstaris pro la produktado de luksaj veturiloj, sportkonkursaj aŭtomobiloj  kaj aviadilaj motoroj dum la periodo antaŭa al la dua mondmilito.
Ĝi estis fondata en Barcelono en 1904, la entrepreno estis aĉetita de ENASA, entrepreno kreita de la hispana Industria Nacia Instituto (INI) en1946. Ĝiaj instalaĵoj en Sagrera (Barcelono) estis destinataj al la fabrikado de kamionoj kun la marko Pegaso. Aliflanke, ĝia franca filio estis aĉetita de la aeronaŭtika entrepreno Snecma en 1968.


Antaŭhistorio

En 1898, la valencia artileria kapitano Emilio de la Cuadra startigis produktadon de elektraj aŭtomobiloj en Barcelono, per la nomo La Cuadra. En Parizo li konatiĝis kun fama svisa inĝeniero Marc Birkigt kaj decidis kontrakti lin por labori en lia entrepreno en Katalunio. La Cuadra konstruis sian unuan motoron de benzino surbaze  de la plandesegnoj de Birkigt. Ĉirkaŭ la jaro 1902, la propieteco de la firmao transiris al unu el ĝiaj kreditoroj, José Maria Castro, kiu estis asociiĝinta kun la bankisto Gironès. La firmao iĝis J. Castro en Comandita. Fábrica Hispano-Suiza de Automóviles. Sed ankaŭ tiu ĉi nova firmao bankrotis, en 1903. Tiam, grupo de investantoj, gvidataj de Damià Mateu, Francesc Seix kaj mem Marc Birkigt, decidis ĝin revivigi per investo de monkapitalo.

Hispano-Suiza E-30

Fondo

Fine, en 1904, oni fondis en Barcelono Hispano-Suiza Fábrica de Automóviles S.A. dediĉita al la fabrikado de aŭtomobiloj. Ĝi situis samloke kiel estis starigita la eksa entrepreno J. Castro, en la strato Floridablanca. La impulsantoj estis Damià Mateu kaj Birkigt. Tiu lasta surprenis la teknikan direktadon jam de la komenco de la konstituiĝo. En tiu jaro aperis la unua veturilo, aĉetita de argentina kliento. La marko Hispano-Suiza estis publike prezentita en la Salono de la Automobilo de Parizo. Dum la unua jaro estis venditaj du aŭtomobiloj. En 1907 oni lanĉis la unuan aŭton kun 6 cilindroj fabrikitan en Hispanio

En 1908 la fabriko translokiĝis al Sagrera-Sant Andreu (ĉe la nuna parko Pegaso). Tie estis produktita la modelo nomata La Sardina. Tiujare, la firmao eksportis aŭtomobilojn al Rusio kaj al Suda Ameriko. En 1910, la modelo Copa Catalunya venkis en diversaj sportkonkuroj, kiel tiu de Oostende. Hispano-Suiza estis la unua fabrikanto de aŭtoj por konkuroj kaj tre baldaŭ ĝi atingis sukcesojn en internaciaj eventoj, inter ili la venkon en la Coupe de l'Auto (1910). La unua atingita per auto 4-cilindra en la plej grava konkuro de tiama epoko.

Modelo Sardina, 1908



La hispana reĝo Alfonso la 13a interesiĝis pri Hispano-Suiza kaj aĉetis iujn, fariĝinte ankaŭ akciulo de la firmao. La veturilo fabrikita por li estis tre simila al Copa Catalunya sed kun motoro pli adaptita al civila uzo. La aŭto estis populare konata kiel Alfons 13a, post la koncerna permeso far la reĝa domo. Post ioma tempo, famuloj kiaj Ava Gardner aŭ Picasso aĉetis aŭtojn Hispano-Suiza.

En 1909 oni prezentis en la Salono de Parizo la modelon H6 ekipita per servobremso. Tiu novaĵo timigis  aliajn firmaojn, inter ili, General Motors kaj Rolls Royce, ĝis kiam ili aĉetis la patenton. Rolls Royce plu daŭrigis ĝian muntadon ĝis 1968. Per unu el tiuj H6, Alfonso la 13a venkis la supreniron de Cuesta de las Perdices (Supreniro de la Perdrikoj).


H. 6C , 1933
Hispano-Suiza Alfonso XIII (9328433465).jpg
Alfons 13a, 1910
Hispano Suiza T49 cabriolet 1929.jpg
T49 Cabriolet 1929

Respubliko kaj velko
Kiam oni proklamis la duan Hispanan Respublikon en 1931, Alfonso la 13a ekziliĝas kaj Hispano-Suiza, pro sia luksa simbolismo iĝas  kvazaŭ provoko de riĉuloj. En 1933 oni prezentas la modelon J12 kun 12 cilindroj, potenca akceliĝo kaj milda bruo. En 1935 forpasas Damià Mateu, kio plirapidigas la velkiĝon de la entrepreno komenciĝanta en 1931. La prezidanteco de la firmao transiras al Miquel Mateu. Kelkaj monatoj poste eksplodas la Hispana Intercivitana Milito kaj Ĝeneralitat (la kataluna registaro) kolektivigas la fabrikon.
Fine de la milito, la antikvaj proprietuloj rehavas la entreprenon sed la ekonomio estas en recesio kaj la aŭtoj estas luksaj produktoj tre malfacile vendeblaj. En 1946 INI akiras la fabrikon de Sagrera por iniciati aktivadon de la nova marko ENASA, kiu de nun fabrikos kamionojn kun la nomo Pegaso.

Eltradukita el: Viquipèdia

Koncerto por la libereco en la stadiumo Lluís Companys


La venontan 2an de decembro okazos speciala koncerto en la olimpia stadiumo Lluís Companys. La monprofito de la muzikevento estos komplete destinita al la Caixa de Solidaritat (Solidara Kaso) per kiu oni helpos pagi la altajn monpunojn aljuĝitaj al la katalunaj politikaj reprezentantoj kiuj sekvis la popolmandaton pri memdecido kaj sendependeco.


Noto: la flava bunto, simbolo uzata por peti la liberecon de la politikaj prizonuloj, estos malpermesita dum la kampanjo por la elektado de la nova kataluna parlamento okazonta la 21an de decembro. Paradokse, la hispana registaro neas la ekziston de politikaj prizonuloj

dilluns, 27 de novembre de 2017

Paco kaj Amo. La barcelonaj esperantistoj en 1900

Esperanta societo Paco kaj Amo, Novembro 1900a



Bildon pri la aludita revuo Spritulo, mi aldonas sube:

Fonto de la bildo: ĉi tie

La societo en 1908, ĉifoje kun arbara fono



dissabte, 25 de novembre de 2017

Libro-novaĵo: 101 maldec(et)aj ŝercoj

Foto de Associació Catalana d'Esperanto - Kataluna Esperanto-Asocio.

Kompilis kaj tradukis Pedro M. Martín Burutxaga, 1-a eldono 2017. 
40 paĝoj, 4 eŭroj. 
Memeldonita de la aŭtoro kaj presita en Katalunio. Mendeblas rekte de la aŭtoro pmarbu@hotmail.com

Ne ŝajnigu, ke la enhavo ne interesas vin. 
Certe vi jam konas plurajn, sed ĉiujn 101?
Jen bona okazo por pliriĉigi vian stokon,
montri al amikoj kaj familianoj, ke esperanto
kapablas ĉion esprimi
kaj kontribui al la riĉeco de nia lingvo.
Finfine ŝercoj, eĉ maldecaj,
ja estas parto de popola kulturo.

Jen ekzemplo de kion vi povas trovi ene:
Du amikoj promenas en herbejo:
- Precize ĉi tie mi seksumis por la unua fojo.
Kaj tie, 50 metrojn for, staris ŝiaj gepatroj,
kiuj nin rigardis.
-Ĉu vere!? Kaj kion ili diris? 
- Beeeee!

divendres, 24 de novembre de 2017

Kvindek mil katalunoj atendataj en Bruselo

La belgia polico kalkulis ke la nombro de katalunoj kiuj manifestacios en Bruselo estos ĉ. 50.000.



Oni atendas ke la manifestacio por la defendo de la Respubliko kaj subteno la la kataluna registaro (Generalitat) la venontan 7an de decembro en Bruselo estos tre multnombra. Laŭ la ĵurnalo La Libre, preskaŭ ĉiuj hoteloj de la brusela regiono (dekok mil ĉambroj) estas plenrezervitaj.

La suverenecaj asocioj organizis kelkajn veturadojn per aviadilo kaj buso por transporti kiel eble plej multajn partoprenantojn, La manifestacio komenciĝos je la 11a h.  en la parko  de La Kvindekjariĝo, apud  la avenuo Tervuren (metroo Merode) kaj finiĝos en la placo Schumann, antaŭ la sidejo de la Eŭropa Komisiono kaj la Konsilio de Eŭropa Unio. La marŝon oni fermos per politika interveno en kiu partoprenos internaciaj eminentuloj kaj reprezentantoj de la suverismaj organizoj.

Fonto: Vilaweb


dijous, 23 de novembre de 2017

La Konstitucia Tribunalo en Hispanio

La Konstitucia Tribunalo konsistas el:

12 membroj elektitaj de la reĝo
4 membroj elektitaj de la Kongreso ( en kiu PP estas majoritato)
4 elektitaj de la Senato (en kiu PP estas majoritato)
2 elektitaj de la Ĝeneralkonsilia Jurpovo (kiu siavice estas elektita de Kongreso+Senato, kun PP- majoritato)
2 elektitaj de la Registaro (PP)

Fonto:


dimarts, 21 de novembre de 2017

Rekorda homturo starigita en Terrassa. Jaro 2015



Por plia informiĝo pri la tradicio vizitu: Homturo (vikipedio)

Fajrobrigadisoj petas la liberigon de politikaj malliberuloj

Kelkdekoj de katalunaj fajrobrigadistoj renkontiĝis antaŭ la Kastelo de Monjuic (Barcelono) por peti la liberigon de la politikaj prizonuloj en Hispanio.

Ili kunstarante formis gigantan banton dum, ĉe la fono kaj surmure pendis granda tolafiŝo kun la slogano Love democracy (Ni amas demokration). Por konkludi la aktivaĵon, ili kantis Els segadors (kataluna himno).


Fonto: Vilaweb

dijous, 16 de novembre de 2017

21-D. La partio Piratoj de Katalunio kandidatos kune kun CUP

La partio Pirates de Catalunya (Piratoj el Katalunio) decidis prezenti sian kandidatecon al la balotado por la kataluna parlamento kune kun la maldekstra CUP-Crida Constituent (Popolunueca Kandidataro-Konstituiga Voko).
Ili antaŭe konsideris la eblecon akompani la kandidatecon de Procés Constituent (Konstituiga Procezo) kaj Som Alternativa (Ni estas Alternativo, disidentoj de Podemos-Katalunio ).

Iliaj antaŭkondiĉoj dum la negocado estis: Defendo de la referendumo okazinta la 1an-Okt., defendo de la aprobita respubliko kaj desuba konstruado de la respubliko.

Pirates de Catalunya (pirata.cat) estas partio kiu estas ano de la movado de Internaciaj Piratoj, iniciata en svedio en 2006 kaj kies celoj estas defendi la fundamentajn rajtojn, la rektan demokration, la travideblon de agado kaj la subtenon-faciligon de la aliro al kulturo, sciado kaj informado.

Fonto: Vilaweb

Teksto: Ni respondu al la voko

dilluns, 13 de novembre de 2017

Manifestacio en Barcelono por postuli la liberigon de la politikaj prizonuloj

Pasintsabate okazis manifestacio por postuli la liberigon de ĉiuj katalunaj emprizonigitoj (vidu ĉe la delkstra kolumno). Inter la diversaj kolektivaj mesaĝoj estis ankaŭ la krio Puigdemont president! por subteni la legitiman prezidanton. Oni kakulis ke ĉ. unu miliono da homoj partoprenis la aranĝon.


divendres, 10 de novembre de 2017

Retrospektiva bildo

En 1909 okaze de la 5a Universala Kongreso de Barcelono, oni eldonis serion da bildkartoj por distribui inter la vizitantoj. Hodiaŭ ni trovis en la reto unu el ili, kiu korespondas al la tiama konstruado de la Hospitalo Sankta Paŭlo (Hospital de Sant Pau), elstara simbolo de la modernisma Barcelono.


Birdokule en la lastaj jaroj:


Kaj jen la Hospitalo nuntempe:


Por plia informiĝo pri la vizitindaĵo en pluraj lingvoj: Sant Pau

dimecres, 8 de novembre de 2017

Komuniko de la Monda Sindikato-Federacio

La Monda Sidikato-Federacio, en kiu membras ĉ.92 milionoj da laboristoj, konfirmas sian subtenon al la kataluna popolo en ĝia celo demokrate decidi pri sia estonteco.


Haltigo de la lando por peti la liberigon de politikaj prizonuloj


La retĵurnalo Vilaweb informas pri la disvolviĝo de manifestacioj akurate kaj el diversaj landopartoj. Klaku surbilde por vidi fotojn kaj videojn (ankaŭ legi, se vi komprenas la katalunan)

"Kontraŭ la subpremado, eĉ ne unu paŝon malantaŭen. Ni estas Respubliko. 8an de Nov. ĝenerala striko"

dimarts, 7 de novembre de 2017

Du premiatoj rezignas la premion Princesa de Girona (Princino de Girono)

Imatge de Bernat Ollé rebent el premi de la mà del rei Felip VI, a Girona.
Bernat Ollé ricevanta la premion permane de la reĝo Filipo la 6a en Girono

Ili opinias ke, per lia sinteno antaŭ la sendependisma konflikto, la Reĝo "likvidis" la taskon de la ento kaj avalis la "subprem-agadon" de la ŝtato.

La kataluna inĝeniero Bernat Ollé kaj la franca esploristo Romain Quidant rezignis la Premiojn Fondaĵo Princino de Girono (FPdGI), sekve al la sinteno de la reĝo Filipo la 6a pri la konflikto inter Katalunio kaj Hispanio. Per publikigita letero, ili substrekas ke, la laboro disvolvita "dum multaj jaroj por konstrui pontojn" ekestis "likvidita" pro la sinteno de la Reĝa Domo rilate al la procezo, speciale pro la diskurso de la Reĝo okazinta la pasintan 3an de oktobro.
Ollé kaj Quidant asertas ke, per sia parolado Filipo la 6a "turnis sian dorson" al la volo de milonoj da katalunoj kaj "ignoris la polican perforton" travivitan la 1an de oktobro.

"Ni opinias ke la reĝo eksplicite aprobis la subpremadon de la hispanaj institucioj  kontraŭ Katalunio, kio inkluzivis la emprizonigon de civilaj gvidantoj kaj de kelkaj el la membroj de la kataluna registaro legitime elektitaj de la katalunaj balotantoj", ili rakontas en sia letero.

La du premiitoj redonos kaj la tutan monon de la premioj -10.000 eŭroj-, kaj la skulptaĵojn per kiu la FPdGI intencis regali ilin. Tiucele, la kataluna inĝeniero kaj la franca esploristo petis la bankokodon de la ento por ebligi la redonon de la monkvanto.
Tiel same, ili resendos al la koncerna oficejo la skulptaĵojn ricevitajn dum la liverado de premioj. Ollé ricevis la premion Empresa (Entrepreno) 2015 kaj Quidant la premion Investigación Científica (Scienca Esplorado) 2011.

Ĉe la fino, en la letero, la du premiitoj petas forviŝi ilian rilaton kun la Fondaĵo, jen la nomojn jen la bildojn aperintajn en "kiu ajn komunikaĵo, retpaĝo, retejo aŭ dokumento". Kaj tio jam kredeble estas efektivigita ĉar nek Ollé nek Quidant aperas en la retejo - en la fako kiu montras la liveron de premioj jaron post jaro -.

Jen sube, kopio de la originala letero:


fsdsa

Fonto: Espanadiario



dilluns, 6 de novembre de 2017

Alvoko por landhaltiĝo


Por peti la liberigon de la politikaj prizonuloj

Lasta informado:

La laborhaltiĝo antaŭvidita por morgaŭ ekformas. La sindikato CGT, la Sindikata Laborista Kunordigo kaj la sindikato USTEC aliĝis al la ĝenerala striko kunvokita de la Intersindikata CSC, kiu estis rebaptita kiel "haltigo de la lando"-n far ANC kaj Òmnium Cultural. 
Hieraŭ, la cento de organizoj kiuj konsistigas la Tablon por la Demokratio, kunvenis por paroli pri la mobilizadoj planitaj por morgaŭ kaj celantaj postuli la liberigon de la politikaj prizonuloj.

La sindikaton UGT kaj CCOO ne aliĝis al la ĝenerala striko ĉar laŭ ili ĝi ne havas laboristaj motivoj sed politikaj. Tamen, ambaŭ sindikatoj alvokas la civitanojn al mobilizado. "Merkredo estas tago por kunlabori kaj por defendi la rajtojn kaj la liberojn kiuj ne estas garantiataj en Hispanio sed jes en Belgio", diris la ĝenerala sekretario de UGT, Camil Ros.

Fonto (kun plia informado): Vilaweb



diumenge, 5 de novembre de 2017

Memorigo pri la lastaj elektoj por la kataluna parlamento

En apliko de la artikolo 155, la hispana registaro kunvokas al nova balotado por elekti la deputitojn de la kataluna parlamento la 21an de decembro. Kadre de tiu decido indas hodiaŭ memori pri la rezulto  de la lastaj elektoj okazintaj la pasintan 27an de septembro 2015. Jene ni reproduktas la frontpaĝon de kataluna ĵurnalo kiu informis siamomente pri la ĵusa balotado:

Sí: partioj por sendependeco; NO: partioj kontraŭ sendependeco; Sí/No: sindetenaj

Laŭ lasta enketo de la Centro pri Sociologiaj Esploroj (CIS), la porsendependecaj partioj kreskos ĝis atingi la 48,7% de la voĉdonoj, superante per 5 poentoj la kontraŭantojn. Fonto: Ara

Miloj da personoj en Bilbo (Eŭskio)

Miloj da personoj marŝis sub la pluvo en Bilbo (Eŭskio) kontraŭ la artikolo 155 de la hispana konstitucio.
La ĝenerala kunordiganto de la partio EH Bildu, Arnaldo Otegi, petis la starigon de bloko por batali kontraŭ la demokratia  malprogreso.

Fonto: Vilaweb

Simile okazis ankaŭ en Perpinjano, norda Katalunio (Francio). Fonto: Vilaweb


dissabte, 4 de novembre de 2017

Muzikistoj por la libereco

La organizo Muzikistoj por la Libereco preparas grandan koncerton por "la defendo de la legitima registaro de Katalunio, t.e, la Generalitat"

Ili esperas superi la nombron de 10.000 muzikistoj kaj kantistoj kaj la aliĝperiodo jam komenciĝis.

Simila evento estis aranĝita la pasintan 28an de septembro ĉe la placo de la Katedralo de Barcelono, en tiu kazo por subteni la referendumon okazinta la 1an de oktobro. En ĝi partoprenis 3.000 muzikistoj kaj kantistoj.

Ĝenerala Striko



La intersindikata CSC kunvokas al ĝenerala striko kontraŭ la subpremado al la sendependisma procezo la venontan 8-an de novembro, sekve al tio ke jaŭde la Nacia Tribunalo ordonis la enprizonigon de la vicprezidanto Oriol Junqueras, 7 katalunaj registaranoj kaj 1 eksregistarano.

Al tiu kunvoko aliĝis ankaŭ la Kataluna Nacia Asembleo kaj la asocio Òmnium Cultural. Oni celas "haltigi la landon" same kiel jam okazis la pasintan 3-an de oktobro. Ankaŭ la Kataluna Asocio de Magistratoj kaj la Asocio de Magistratoj por la Sendependeco montris sian subtenon al "kiu ajn" striko-kunvoko kiu havu "vastan" interkonsenton.


Male, la anarkisindikato CGT, anoncis sian ne-aliĝon kvankam donas al siaj membroj liberon por partopreni la strikon pro la graveco de la okazaĵoj en Katalunio. En ĝia komuniko, la permanenta sekretariaro argumentas la mankon de tempo por registri kaj debati la iniciaton.
La sindikato CCOO ne aliĝos al la striko. Ĝi klarigis, same kiel en antaŭaj okazoj, ke ili ne konsideras ĝuste transporti al la labortavolo iun problemon kiu superas ilian agadkampon.
Tamen, la "haltigo de la lando" kunvokita de ANC kaj Òmnium okazonta memmerkrede, plu estas sub konsidero de la sindikato cele al ebla aliĝo kiel socia organizo. Pri tio okazas nun kontaktoj kun aliaj membroj de Tablo por la Demokratio por alveni al iu definitiva sinteno.

CSC informas ankaŭ:
ke la striko estas ilia rimedo por respondi al la labora malsekureco establita pere de sinsekvaj laborreformoj efektivigitaj en la lastaj jaroj. La striko estas ankaŭ respondo al la malriĉiĝo de la laborista klaso kaŭze de la malaltaj salajroj, kiu rezultis en povrecon de 20%  el la aktivaj laboristoj, dum milionoj da eŭroj malaperas malantaŭ opaka helpo al la bankoj.

Aliflanke, per la striko oni postulas la nuligon de la "Reĝa Dekreto-leĝo 15/2017 de la 6a de oktobro pri urĝaj ŝanĝoj en la tereno de moviĝeblo de ekonomikaj operatoroj ene de la nacia teritorio", pro ĝiaj damaĝaj efikoj en la laborista kaj produktiva tavoloj, faciligante la translokiĝon de firmaoj kaj malplibonigante la katalunan ekonomion kaj la laboristan klason.


La 11a de septembro, Nacia Festo, historie enkadrigita. Kelkaj datoj.

(Republikigo de artikolo redaktita en 2012)

  878 - Hispana Marko: Guifré el Pilós (Vilfredo la Harulo) estas nomumita grafo de Barcelono, Girono, Osona kaj Besalú.
1229 - Jaume la 1a kaj sia soladataro elŝipiĝas en Majorko. Sekvatage stariĝas la Batalo de Portopí.
1714 - Barcelono: post 14-monata sieĝo, la armeo de la burbonoj ekprenas la urbon, Milito de Sukcedo.
1901 - Barcelono: unua homkoncentriĝo por celebri la 11an de Septembro, antaŭ la monumento de Rafel de Casanoves. 34 homoj estis arestitaj.
1931 - Oni eldonas la unuan numeron de la revuo Estat Català (Kataluna Ŝtato).
1938 - Lasta celebrado de la 11a de Septembro dum la epoko de la Respublikana Generalitato. La prezidentoj de Hispanio, Juan Negrín, kaj de Katalunio, Lluís companys, floromaĝas la monumenton memore al Rafel de Casanova.
1976 - Sant Boi de Llobregat: unua permesata celebrado de la dato. Ĝi estis kunvokata de la Assamblea de Catalunya (Asembleo de Katalunio).
1977 - Barcelono: okaze de la datreveno, manifestiĝas surstrate pli ol miliono da homoj sub la slogano Llibertat, Amnistia i Estatut d'Autonomia (Libereco, Amnesto kaj Statuto de Aŭtonomeco), kadre de la tiel nomata Transición Democràtica (hispania demokratiĝproceso).
1995 - Terra Lliure (Libera Tero) anoncas sian malfondiĝon.
2002 - La retejo de la Generalitat de Catalunya (kataluna aŭtonoma registaro) adoptas la domajnon .net
2002 - Barcelono: Lluís Maria Xirinacs, dum politika strataranĝo disvolvas polemikan diskurson asertante: "Gandhi diris ke la ne-perfortemulo ne povas neŭtrale trakti la du flankojn en iu perforta konflikto: la agresanto estas la malamiko kaj la agresato estas la amiko, eĉ se tiu lasta ankaŭ uzas perforton. Dum mia tuta vivo mi pledis por la ne-perforto sed hodiaŭ, ĉi tie, mi deklaras laŭtvoĉe, spite ĉu min aŭdas policisto kaj juĝisto, ke mi estas malamiko de la hispana ŝtato kaj amiko de ETA kaj de Batasuna.". Tri jarojn poste li estis arestita kaj malliberigita.
2012 - Barcelono: celebriĝas amasega manifestacio organizita de la Assamblea Nacional Catalana (Kataluna Nacia Asembleo) por memori pri la 11a de septembro de 1714 kaj por peti la sendependecon. La nombro de partoprenantoj atingis 2.000.000 laŭ la ANC kaj 600.000 laŭ la policservo.

Aldono de komentinto:
Manolo ha dit...
Nu, la "11a de septembro" sencas nur de 1714 ĝis nun, ne antaŭe... ĉu ne?

Aparte, mankas la periodo de la 2a Hispana Respubliko, kiam la "Statuto de Aŭtonomeco" estis prilaborata kaj bremsita pro la intercivitana milito. Sen ĝi, la afero de 1977 ne sencas.

divendres, 3 de novembre de 2017

Dekoj da intelektuloj kaj politikistoj kontraŭ la perforto de rajtoj iniciata en Hispanio

Dekoj de eŭropaj akademianoj, intelektuloj kaj politikistoj redaktis leteron adresatan al la prezidanto de Eŭropa Konsilio, Donald Tusk, kaj al tiu de Eŭropa Komisiono, Jean-Claude Juncker. Per ĝi, oni petas ilian intervenon por haltigi la hispanan subpremadon kontraŭ Katalunio kaj samtempe avertas pri la risko ke eŭropaj civitanoj perdu la fidon kaj engaĝiĝon al Unuiĝinta Eŭropo. "Ni sentas nin ege maltrankvilaj pro la subteno far la regorganoj de UE al la sistema perfortado de la jurŝtato en Hispanio, kun emfazo pri la agado de la hispana registaro okaze de la referendumo de la 1a de oktobro pri la sendependeco de Katalunio.
Ili specife avertas ke la Hispana Konstitucia Tribunalo perfortis la konstituigajn principojn pri esprim-kaj renkontiĝrajtoj. Same ili rememorigas ke, tagojn antaŭ la okazigo de la refendumo, la hispanaj aŭtoritatoj disvolvis subpremajn agadojn kontraŭ publikaj postenuloj, deputitoj, urbestroj, amaskomunikiloj, entreprenoj kaj civitanoj.
Jen la subskribintoj:
Fonto: Vilaweb

dijous, 2 de novembre de 2017

Enprizonigita la duono de la kataluna registaro



Hispanio enprizonigas la vicprezidanton Junqueras  kaj la duonon de la kataluna registaro. La juĝisto de la Nacia Tribunalo, Carmen Lamela, akceptis la plej rigorajn proponojn de la ŝtatprokuroro Maza post la ĉimatena deklaro de la akuzitoj. Per tio, la nombro de politikaj prizonuloj en Hispanio altiĝas ĝis dek.

dimecres, 1 de novembre de 2017

La anarki-sindikatistoj esprimiĝas pri la situacio en Katalunio

Ni, subskribintaj organizaĵoj, dividas la maltrankvilon koncerne la situacion en Katalunio, la represion plenumitan de la Ŝtato kaj ties nunajn kaj estontajn konsekvencojn konsistantajn en perdo de rajtoj kaj liberecoj, kaj koncerne la kreskon de malnova naciismo en granda parto de la hispana Ŝtato.

Ni defendas la emancipiĝon de ĉiuj laboristoj de Katalunio kaj de la tuta mondo. Eble, en tiu kunteksto, ni ne komprenas la rajton al memdetermino sammaniere kiel la partioj kaj naciaj organizaĵoj. Laŭ ni, temas pri rajto al memmastrumado sur difinita teritorio.

Komprenita ĉi-maniere, la memdetermino konsistas en kontrolo de produktado kaj konsumado fare de la laboristoj, rekta demokratio de la bazo ĝis la pinto, organizita laŭ la federismaj principoj. Ĝi ne konsistas en starigo de novaj landlimoj aŭ kreado de nova Ŝtato. Kiel internaciistoj, ni opinias, ke la solidareco inter la laboristoj ne devas esti limigita al la ŝtataj landlimoj. Pro tio, tute ne gravas por ni, kie ili situiĝas.

Kio vere maltrankviligas nin, estas la reago en la cetero de la Ŝtato ; ekzaltiĝo de malfreŝa «hispaniismo», kiu memorigas estintajn periodojn, kuraĝigitajn de la amasinformiloj, akorde kun la aŭtoritata miskonduto de la registaro. Tiu situacio estas evidenta de post la enkarcerigo de personoj, kiuj laŭdis malobeemajn agojn, aŭ la aplikado de la artikolo 155 de la Konstitucio. 

Ni konsciiĝas, ke tiu naciisma ekapero starigas la bazojn de estontaj limigoj de rajtoj kaj liberecoj, kontraŭ kiuj ni devas protekti nin. La fervora unuiĝo de la laŭdire «demokrataj fortoj» por pravigi la represion, aŭguras malklaran horizonton por ĉiuj estontaj disidentoj. Ŝajnas, ke la post-frankisma reĝimo, kiu regas nin de antaŭ 40 jaroj, grupiĝas por garantii sian kontinuadon.

Tiu reĝimo, kiu ekzistis kaj ekzistas en Katalunio same kiel en la cetero de la hispana Ŝtato, timas por sia propra daŭrigo. Amplekse kontestita kaj spertante profundan krizon de laŭleĝeco, ĝi observas, alarmita, la kreskantan nombron de malfermitaj frontoj. Krom la minaco kontraŭ la teritoria integriĝo de la Ŝtato, aldoniĝas la skandaloj pri koruptado, la perdo de prestiĝo de la monarkio, la kontestado de la drastaj aranĝoj suferitaj de la loĝantaro, la malkontenteco estigita de la sklavismo en la laboro pro la lastaj reformoj de la laboro, pri la emerita aĝo, la malaltigo de la pensioj, ktp… 

La senĉesaj alvokoj de la aŭtoritatoj por defendi la konstitucion, koincidas fakte kun la klopodoj plenumitaj por interrompi tiun veran krizon pri propra ekzistado, kiu maltrankviligas ilin. La danĝero estas, ke en tiu procezo la represiaj sintenoj – kiel tiuj, kiuj okazis antaŭnelonge en pluraj katalanaj urboj – fariĝu la normo. Aŭ sintenoj eĉ pli gravaj. 

Evidente, ni ne scias kien kondukos la eventoj. Ni restados atentaj pri la okazaĵoj, pretaj defendi la interesojn de la laboristoj ĉie en la Ŝtato. Ni kontraŭstaros per ĉiuj niaj fortoj la represion kaj la normaligon de ekstremdekstraj sintenoj, kiujn ni jam observas. Kompreneble, ni ne lasos nin manipuli de la strategioj de la politikaj partioj, kies celoj ne koincidas kun niaj. Samtempe, ni ne ĉesigos apogi la mobilizadon de la laboristaro, kiam tion ĝi decidos. Finfine tio estas momento forigi la ordonojn de la politikaj kaj ekonomiaj elitoj, kiuj de tro longe kontrolas la teritorion, nur por servadi, ekskluzive, siajn proprajn interesojn.

Kiel klasaj sindikataj organizaĵoj, liberecanaj kaj luktantaj, ni estos sur la stratoj dum la mobilizadoj, kiel ni faris en multaj aliaj okazoj, kontraŭ la represio, la malkreskado de la rajtoj kaj liberecoj, kaj kontraŭ la koruptado.

Eble la kataluna krizo estos la fino de ia Ŝtatmodelo, kiu agonias. Ke tiu ŝanĝiĝo trovos solvon en iun direkton aŭ alian, dependas de nia kapableco, kiel klaso, konduki la procezon en direkton inversan al la represio kaj la kreskado de naciismoj. Ni fidu nian kapablecon akiri finan rezulton kun pli da liberecoj kaj rajtoj, kaj ne inversan rezulton. La situacio estas grava.

Por rajtoj kaj liberecoj!
Kontraŭ la represio de la laboristaj klasoj!

Deklaracio kun-subskribitaj de tri anarki-sindikatistaj organizaĵoj:

Resultado de imaxes para solidaridad obrera

Confederación general del trabajo
Confederación nacional del trabajo
Solidaridad obrera

http://cgt.org.es/noticias-cgt/comunicados/ante-la-situacion-en-catalunya

diumenge, 29 d’octubre de 2017

Diskonigenda



Katalunio tra videoj e-subtekstigitaj




Tren petit de la Bisbal (omaĝo al trajneto)
Fem un salt (kanto por infanoj)
Clandestino (hispanlingva kanto)
Sense tu (ĉeftemo de kataluna tv-serio)
El caganer (kristnaska kataluna kanto)
La bicicleta de Xesco Boix (kanto por infanoj)
La gallineta (Lluís Llach) (kataluna kanto)
Km 0 (pri dekonstruado) (sociekonomia propono)
La meva terra és el mar (LAX'N'BUSTO) (kataluna kanto)
Obrint Pas, La flama (kataluna kanto)
Copons 2.0 ( pri socia eksperimento far magistrato en vilaĝo)
Tots som súpers, tots som grans (kanto por infanoj)
Bon dia a tothom! (kanto por infanoj)
Entrevista als dinamitzadors de JIS-Arrels (intervjuo al gvidantoj socihelpantoj)
Recollim selectivament ( instrua kanto)
Una conversación solamente (intervjuo pri onanismo)
Entrevista amb César del Servei Solidari ( intervjuo al gvidanto)
Festa Major - La Trinca - (kataluna kanto)
L'Home del carrer (kataluna kanto)
Tots els nens del meu carrer (kanto por infanoj)
La casa que vull -lluís Llach- (kataluna kanto)
L'home dibuixat (kataluna kanto)
Primavera (Miquel Martí i Pol) (poezio)
Els avantpassats - Història de Catalunya (rakonto pri historio)
Mosso argentino (humura skeĉo)
Ja surt el sol (populara kanto)
Qualsevol nit pot sortir el sol (kataluna kanto)
El modernisme català (instrua bildaro)
Una altra galàxia (Pastora) (kataluna kanto)
Kio estas Katalunio? (Què és Catalunya? pri la konveno uzi la katalunan far firmaoj)
Entrevista sobre esperanto (BTV a la Llibreria Clàssic / BCN-Kontaktejo)
Bruc, la llegenda (antaŭprezento de filmo, kun Montserrat-scenejo)
Espanya, carinyo, lo nostre no funciona (muzikvideo de Mali Vanili)
Concert per la LLibertat (Koncerto por la Libereco. Barcelono, 29 de juny 2013)
Amelie - Fes-ho realitat (Igu ĝin real') (Kataluna muzikgrupo)
Al vent - Raimon- (populara kanto de valencia kantaŭtoro)
Camins - Sopa de Cabra ( Kataluna rockgrupo)
Esperança - Txarango ( Skastila kanto)
Trepitja fort - Lax'nbusto (kataluna muzikgrupo)
Documental refugees (intervjuo al katalunaj aktivistoj)
L'estaca - Lluís Llach (kontraŭfaŝisma kanto)

divendres, 27 d’octubre de 2017

Naskiĝo de la kataluna Respubliko. Teksto aprobita de la kataluna parlamento

Parlament de Catalunya

La kataluna Respubliko estas oportuno por korekti la nuntempajn demokratiajn kaj sociajn deficitojn kaj samtempe krei la bazon por socio pli prospera, pli justa, pli sekura, pli daŭripova kaj pli solidara.

Laŭ ĉio ĝis nun eksplikata, ni, demokratiaj reprezentantoj de la kataluna popolo, sekvante la liberan uzon de la rajto al memdecido, kaj en akordo kun la mandato ricevita  de la katalunia civitanaro,

KONSTITUIGAS la katalunan Respublikon kiel sendependan kaj suverenan ŝtaton, juran, demokratian kaj socian.

DECIDAS la efektivigon de la Leĝo pri jura kaj fonda transiro al la Respubliko.

INICIATAS la konstituciigan proceduron, demokratian, el civitana bazo, transsocian, partoprenigan kaj kun deviga rezulto.

DEKLARAS la volon malfermi negocadon kun la hispana ŝtato, sen antaŭkondiĉoj, kun la celo establi la bazon de kunlaborado kiu estu profita por ambaŭ partoj. Negocado estos, nepre, je nivelo de egaleco.

INFORMAS la internacian komunumon kaj la aŭtoritatojn de Unuiĝinta Eŭropo la konstituigon de la kataluna Respubliko kaj la proponon pri negocado kun la hispana Ŝtato.

INSTIGAS la internacian komunumon kaj la aŭtoritatojn de Unuiĝinta Eŭropo interveni por haltigi la perfortadon de la civilaj kaj politikaj rajtoj nuntempe okazantaj kaj sekvi la negocan procezon kun la hispana Ŝtato. Vi iĝu atestantoj.

MANIFESTAS la volon kunkonstrui eŭropan projekton kiu firmigu la sociajn kaj demokratiajn rajtojn de la civitanaro kaj samtempe pluteni niaflanke la engaĝiĝon en la aplikado de la jura normaro de Unuiĝinta Eŭropo, kaj de la hispana Ŝtato kaj la kataluna aŭtonomio en akordo kun tiu normaro.

DEKLARAS ke Katalunio havas tutklaran volon aliĝi, kiel eble plej rapide, al la internacia komunumo. La nova ŝtato celas respekti la internaciajn devigojn kiuj estas nuntempe aplikataj en sia teritorio kaj deziras plu esti parto de la internaciaj traktatoj en kiuj partoprenas nuntempe la Hispana Reĝlando.

ALVOKAS la ŝtatojn kaj la internaciajn organizojn, rekoni la katalunan Respublikon kiel sendependan kaj suverenan Ŝtaton.

PETAS al la Ĝeneralitat-registaro alpreni la bezonatajn ilojn por ebligi la plenan efektivigon de tiu ĉi Deklaro pri sendependeco kaj tion enhavatan en la Leĝo pri jura kaj fonda transiro al la Respubliko.

PROPONAS al ĉiuj civitanoj kaj civitaninoj de la kataluna Respubliko iĝi  meritaj je la libereco kiun oni donis al si mem kaj konstrui Ŝtaton kiu transportu al agado kaj konduto la kolektivajn inspirojn.

La legitimaj reprezentantoj de la kataluna popolo:


Barcelono, 10a de oktobro 2017

Por vidi la originalan tekston, inkluzivanta enkondukon, klaku sur:  Declaració Independència


dijous, 26 d’octubre de 2017

La proklamo de la kataluna respubliko en la manoj de la kataluna parlamento

La registara koalicio Junts pel Sí (PDcat kaj ERC) proponos morgaŭ al la parlamento plenumi la mandaton de la referendumo okazigita la pasintan 1an de oktobro.
Fonto (katalune): ARA

dimecres, 25 d’octubre de 2017

Anonymus OpKatalunio


Anonymus informas ke ĝi atakis la retpaĝon de la Hispania Reĝdomo. La aktivisma grupo daŭrigas la Operacion Katalunio la sekvan tagon post la atako al la retpaĝo de CNI (Ŝtata Sekretservo)

El lloc web de la Casa del Rei, no disponible aquest dimarts a la nit

Temas pri la tiel nomata dua fazo de la operacio
Pasintlunde la aktivistoj informis ke ili ne ĉesigos la atakojn dum oni tenados politikajn malliberulojn, en aludo al la gvidantoj de la asocioj ANC kaj Omnium Cultural, Jordi Sànchez kaj Jordi Cuixart, enprizonigitaj en Soto del Real


Anonymus ankaŭ atakis la retpaĝon de Turespaña/Tourspain, publika organizo de la ŝtato kiu sin dediĉas al turismo. En la sama gvidlinio, la aktivistoj diskonigis retpoŝtojn kaj telefonnumerojn de membroj de la hispana registaro



En la unua fazo la grupo atakis la retpaĝon de la Konstitucia Tribunalo